Ղափաման պատրաստվել է, որ աշխարհում խաղաղություն լինի

Ղափաման բարդ պատրաստվող կերակուր է և ժամանակին այն պատրաստել են ողջ ընտանիքով: Ղափամայի մասին անգամ լեգենդներ են հյուսվել, ինչպես պատմում է ավագ խոհարար Սեդրակ Մամուլյանը, դրա համաձայն դդումը երկրագունդն է, բրինձը՝ համայն մարդկությունն է, չրերն ու ընկուզեղենը՝ տարբեր հավատքի ու ազգության մարդիկ են:

Գրառմանս վերնագիրը Սեդրակ Մամուլյանի հարցազրույցից եմ վերցրել․ «Ըստ լեգենդի, երկրագնդում, որտեղ ապրում են տարբեր հավատքի, ազգության մարդիկ, բարությունը պիտի տիրի: Ղափաման պատրաստվել է, որ աշխարհում խաղաղություն լինի»:

Այսօր Դդմածես,դդմագովքով ավարտեցինք, ամփոփեցինք հունվարյան ստուգատեսային, ազգագրական ամիսը և նոր նախագծերով անցում կատարեցինք դեպի երրորդ ուսումնական շրջան։

Ծրագիրը՝ Ծեսերի լաբորատորիայի բլոգում։

Օրը սկսվեց ժամը՝ 11․00-ին    Սուրբ Երրորդություն եկեղեցում՝ Ղափամայի օրհնությամբ։ Այնուհետև՝ 11․45-12․00, տեղի ունեցավ Վարպետ Պետոյի արհեստանոցի նորամուտը։ 12․00-12․15 Դդմահամտես-ցուցահանդեսից հետո 12․15-13․00 Մարմարյա սրահում իրականացվեց հոբելյանական շքերթ-տոնախմբություն Ռուբեն Մաթևոսյանի հետ։

Սովորողներն օրվա մասին են պատմում՝

Ղափաման աղանդեր է՝ դեսերտ և ունի պատրաստման տարբեր եղանակներ: ժամանակին միջուկը պատրաստել են նաև ձավարով, մսով, թարմ մրգերով, բայց ամենահայտնի տարբերակը դդումի մեջ լցոնած բրինձն է՝ չրեղենի, ընկուզեղենի ու մեղրի հետ:

Ինչպես պատրատել ղափաման, որպեսզի այն, երգում ասվածի պես, «համով հոտով» լինի․

Ղափամա պատրաստելու համար հարկավոր է.

  • դդում
  • բրինձ — 0,5 կգ
  • ծիրանաչիր — 100 գ.
  • սալորաչիր — 100 գ.
  • պիստակ — 100 գ.
  • պոպոք — 100 գ.
  • շաքարավազ
  • մեղր
  • դարչին
  • կարագ:

Նախ անհրաժեշտ է կտրել դդումի պոչի հատվածը՝ այնպես, որ այն ունենա կափարիչի տեսք, հեռացնել կորիզները և ներսը բարակ շերտով պատել շաքարավազով: Ցանկալի է, որ դդումն ունենա բարակ կեղև, որպեսզի այն հեշտ եփվի ու հյութալի ստացվի:

Ապա պետք է խաշել բրինձը՝ ավելացնելով աղն ըստ ճաշակի: Բրինձը պիտի լինի կլորավուն, որպեսզի կպչողականությունը մեծ լինի ու կտրատելիս ունենաք շերտավոր տեսք: Կարևոր է չրերի ճիշտ ընտրությունը. հարկավոր է, որ դրանք լինեն և՛ քաղցր, և՛ թթու համերի: Ծիրանաչիրն ու սալորաչիրը պիստակի ու ընկույզի հետ միասին տապակում ենք կարագի մեջ, ապա ավելացնում մեղր այնքան, որ միջուկը ծածկվի, իսկ վերջում՝ մի պտղունձ դարչին:

Բրինձն ու չրեղենի զանգվածը պիտի լինեն կիսաեփ, որպեսզի դդումը լցոնելուց ու այն ջեռոցում տեղադրելուց հետո միջուկը ստանա անհրաժեշտ եփվածության աստիճան: Խաշած բրինձն ու տապակված չրեղենը խառնում ենք ու լցնում դդումի մեջ:  Ղափաման ջեռոցում թողնում 30-40 րոպե՝ կախված դդմի մեծությունից:  

Categories:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s